Kanal­­dagane 2026

Opnings­­tider, arrange­ment og over­natting

Opnings­­tider i gjeste­­hamna

Fredag 4. September:
15:00 – 20:00 Restaurant
21:00 – 02:00 Sjøkart nr. 19 går på land under Kanal­dagane (billettar).

Laurdag 5. September:
13:00 – 20:00 Restaurant
21:00 – 02:00 Kystsong­laget kjem til gjeste­hamna (billettar).

Søndag 6. september:
13:00 – 17:00 Søndagsbuffé

Båt, camping og hytter

Over­­natting båt

Gjestehamna er open og du er velkommen med båt!

Under Kanaldagane betalar du i kassen ved ankomst for heile helga (det gjeld eigne prisar denne helga). Du får band som skal henga på båten. 

Det er ikkje mogleg med reservering av båtplass til Kanaldagane, men me har god plass og gjer vårt beste for at alle skal få plass. Sjekk gjerne vårt webkamera for å sjekke om det er ledig plass.

I tillegg må alle som bur hos oss denne helga løyse inngangs­billett til messe­området hos Kanal­dagane.

Over­natting camping

Campingen nærmar seg fullbooka under Kanaldagane, så skund deg å reservera plass på vår bookingside.

I tillegg må alle som bur hos oss denne helga løyse inngangsbillett til messeområdet hos Kanaldagane.

Hotell­hytter

Våre nyoppførte hotell­hytter er som namnet tilseier eit hotell­rom oppført som ei hytte. Her er det stove/soverom, kjøken­fasilitetar og sjølvsagt eige toalett/bad.

Hyttene har tre kategoriar:

  • Standard
  • Superior
  • Universell

Tilgjengelighet og booking

I tillegg løyser du inngangs­billett til messe­området hos Kanaldagane.

Sjøkart nr. 19 går på land under Kanaldagane

Onsdag 4. september skjer det noko utanom det vanlege. Etter år med seglas frå kai til kai i øyriket Bømlo legg Sjøkart nr. 19 og MS Solbjørg til ved Kulleseidkanalen og tek den sjeldne vegen opp på land.

Prosjektet har røter i Kystsonglaget sin folkekjære song «Sjøkart nr. 19» og har gjennom fleire år utvikla seg til ein heilt særeigen turné med musikk, skrøner, humor og ekte kystkultur. Vanlegvis finn du dei på brygger og kaiar rundt om i sjøkart nr. 19, men denne kvelden flyttar dei scena inn i det stemningsfulle Grindabygget ved Kulleseidkanalen.

Når mannskapet går i land frå den tradisjonsrike skøyta, ligg alt til rette for ein kveld fylt med musikk, historier, latter og kystkultur på sitt aller beste.

Kjøp billett (fredag)

Kystsong­laget til Kulleseid­kanalen gjeste­hamn

Kystsonglaget spelar salte vestlandsviser ved Kulleseidkanalen laurdag 5. september! Frammøtte får høve til å trampa og tralla med på visene av Salhuskvintetten, Medaas, Kleppevik og andre legendar.

Ein kan venta seg alt frå svulmande patos til det reinaste vrøvl – men alltid gjort med kjærleik til vår vestlandske identitet og kystkultur. Først skal me ro, så skal me starta rubb-motoren, så skal me ut og fiska, og til slutt skal me leska oss og syngja.

Kjøp billett (laurdag)

Kvifor ikkje gjera ein heil kveld ut av opplevinga?

Restauranten held ope med vår rikhaldige à la carte-meny fram til kl. 20.00, med mellom anna smakfulle blåskjel og fleire gode rettar frå hav og land.

Start kvelden med ein betre middag i hyggelege omgjevnader før tonane frå Sjøkart nr. 19 eller Kystsonglaget tek over.